Македони улсад эбола вирусээр халдварласан Англи улсын иргэн есний өдөр нас барлаа. 57 настай тэрээр 72 настай найзынхаа урилгаар энэ сарын хоёрны өдөр Македони улсад ирсэн тухай тус улсын Гадаад хэргийн яамнаас мэдээлсэн байна. Английн иргэн Македони улсын нийслэл Скопье хотын төвд зочид буудалд байрлаж байсан бөгөөд түүнийг нас барснаас хойш хоёр цагийн дараа ойр орчмынх нь газар эмнэлгийн ажилтнууд хөл хорио тогтоож хяналтандаа авчээ. Нас барсан Английн иргэний найзыг эболагаар халдварласан байж магадгүй гэж сэжиглэн эмнэлэгт хүргээд байгаа юм байна. Дашрамд дурдахад Македони улс нь хоёр сая хүн амтай, Серби, Грек, Болгар, Албани зэрэг улсуудтай хиллэдэг ажээ.