Хүн махбодоос гадна хийбод буюу биоэнергиэс бүтдэг. Барьж, харж болдог физик биеэс гадна хүний махан биеийн нүдэнд харагдахгүй боловч бодитойгоор оршдог, солонгын долоон өнгөтэй, хөгжмийн долоон нотоор эгшиглэх хийбод буюу нарийн биеийн байдлаас хүний эрүүл мэнд, аз жаргал 97 хувь хамаардаг байна. Харин махан биеийн үйл ажиллагаанаас эрүүл мэнд маань дөнгөж 3 хувь хамааралтай ажээ.

Өөрийнхөө үйл ажиллагааг өөрөө тохируулан удирддаг энергийн автомат систем болох хүнийг машин техниктэй адилтган үзэж, тэнд үүссэн асуудлыг гаднаас нь оролцон, зөвхөн эм, мэсээр шийдвэрлэж болно гэж үзэх болсон нь хүний хөгжлийн түүхэн хугацаанд харьцангуй саяхны явдал боловч орчин үеийн хүний сэтгэлд бат итгэл үнэмшил суулгаж чадсан төөрөгдөл юм. 

Аура буюу хүний цацруулж буй энерги 

Нэвтэрхий тольд дурдсанаар аура нь амьд биеийг хүрээлж буй, нүдэнд үл үзэгдэгч цацраг буюу энергийн орны бүрхүүл юм. Аура нь зөвхөн хүнд биш ямар ч биетэд, жишээ нь чулуу, ургамал, ширээнд ч байна. Тэрээр гадна хил зааггүй бөгөөд биеийн эс болгонд оршиж, түүний мөн чанарыг илэрхийлдэг. Аура нь махбодын зөвхөн гадуур биш дотор нь болон эргэн тойронд нь байж, пролонд нэвчин шингэсэн ус адил хүний бие махбодын завсраар давхцан оршдог байна.

Аура буюу хүний цацруулж буй энерги нь хувь хүний амьдрал ахуй, бодол санаа, сэтгэлийн тухай мэдээллийг агуулж байх бөгөөд хүний ухаан, бие махбод сэтгэл зүй, эрүүл мэндийг фото зураг мэт буулгадаг.

Зарим эрдэмтэд түүнийг цахилгаан соронзон цацраг гэж үздэг байхад зарим нь түүнгүйгээр оршин тогтонохын аргагүй дээд “БИ” буюу “ухамсрын тэнгэрлиг оч” гэдэг.

Аура нь хүний эрүүл, эрүүл биш, ямар өвчтэй, амжилт, уналт, хайр, үзэн ядалт бүхнийг харуулна. Тэрээр индикатор л гэсэн үг. Түүнчлэн аураг хүний өнгөрсөн, одоо, ирээдүйн мэдээллийг хадгалагч банк гэж бас үздэг.

Хүнийг өндөгтэй зүйрлэвэл шар нь махан бие, цагаан нь аура буюу гэрлэн бие нь юм. Бид амьсгалж буй агаараа, загас хөвж буй усаа хардаггүйтэй адил хүмүүс аураг олж үздэггүй боловч тэрээр яах аргагүй оршиж байдаг.

Хүний оюуны хөгжил ихсэх тутам аураны хэмжээ өргөсдөг.

Төрөлхийн гоц чадвартай хүмүүс буюу тусгай дасгал сургууль хийсэн хүмүүсийн гэрлэн бие тодоор харагддаг байна.

Хүний амин орон нь сансар орчлон шиг олон давхаргатай бөгөөд дэлхийн агаар мандлын бүрхүүлтэй төстэй. Давхарга бүр нь хүний амьдралын янз бүрийн хэсгийг хамаардаг гэж үздэг.

Дорно дахины шинжлэх ухаанд махбодын биоэнергийг ”амьдралын хүч” гэж нэрлэдэг. Биед эрчим хүчний долоон төв /чакр/ бий бөгөөд тэдгээр нь:

1-аарцаг

2-олон яс уулзах

3-хүйс

4-аймхай мөгөөрс хавьд

5-эгэмний хонхорхой

6-магнай

7-зулай хавьд байна гэж үздэг.

Эдгээрээс маш хүчтэй биоэнергийн төвүүд нь 1, 2, 3, 7 юм. Хүний биеийн эрчим хүчний системд 3 буюу наран төв, 7 буюу саран төв нь хамгийн чухал бөгөөд бүх долоон төвийн үйл ажиллагааг зохицуулдаг гэж дорно дахины анагаах ухаанд үздэг байна.

Аарцаг, ахар сүүлнээс газар луу чиглэсэн нэгдүгээр хүрдийг мулатхара гэх бөгөөд улаан өнгөтэй. Үнэрлэх мэдрэхүй, бүдүүн гэдэс болон нөхөн үржихүйн систем, бөөр, хүзүү, сээр, нуруу, ууц, ахар сүүл, хөдөлгөөний тулгуур эрхтнүүдийг энергиэр тэтгэж, сэтгэлийн тогтвортой байдал, өөртөө итгэх итгэл, сэтгэл зүйн эерэг, сөрөг илрэлүүд, биеийн тэнхээ тамир, сэтгэгдэлийг хариуцдаг.

Хүйснээс 3-4 см дор умдагны дээр байрлах хоёрдугаар хүрдийг свадхистхана гэх бөгөөд улбар шар өнгөөр гэрэлтэнэ. Бөөр, давсаг, бэлэг эрхтэн, нарийн гэдэс, бэлгийн чалх, нөхөн үржихүй, сексийн энергийг удирдана.

Хүний биеийн үл үзэгдэгч аура нь дараах нарийн биесээс бүрдэнэ.

1. Эфир бие

2. Астрал бие

3. Ментал бие

4. Каузаль /кармын/ бие

5. Интуитив бие

6. Кетер/атми/ бие

Эхний 3 биеийг доод нарийн бие гэх бөгөөд үндсэндээ байгаль /нар, од эрхэс, агаар, ус, гал, хөрс, хүнс/-ын энергиэр тэтгэгддэг.