“Зуншин” компанийн барилга дээр ажиллаж байгаад өндрөөс унаж 18 настай охин харамсалтайгаар амиа алдсан хэрэг хуучраагүй байхад дахиад гурван залуугийн амь эрсэдлээ. БЗД-ийн V хороонд баригдаж буй “Шинэ гарьд” компанийн барилгын 13 давхараас 23 настай залуу унаж нас барсан бол, БГД-ийн 20 дугаар хороонд байх “Тунамал үйлс” ХХК-ийн агуулахын барилгад засвар хийж байсан залуу таван метрийн өндрөөс унан амиа алджээ. Мөн Дархан хотод “Парк таун” хотхоны барилга дээр ажиллаж байсан залуу 10 давхараас унаж нас барсан байна.