Сэлэнгэ аймгийн Алтанбулаг сумын Цөх багийн нутаг “Сэнж чулуу” гэдэг газар энэ сарын 8-нд ой, хээрийн түймэр гараад байсан. Тус аймгийн Онцгой байдлын газрын 53 албан хаагч, 5 автомашин, Дархан-Уул аймгийн Онцгой байдлын газрын 24 албан хаагч, 1 автомашин, Онцгой байдлын ерөнхий газрын Аврах тусгай ангийн 12 албан хаагч, 1 автомашин, орон нутгийн 18 иргэн, 3 автомашин, нийт 107 хүн, 10 техник хэрэгсэлтэйгээр ажилласны үр дүнд түймрийг цурамд орууллаа хэмээн ОБЕГ-аас мэдээллээ.