Ирэх сарын 7-ны "Автомашингүй өдөр”-өөр "Тэрэгтэй парад 2015" жагсаал зохион байгуулагдах гэж байна. Машины дуут дохио (сигнал) хүүхэд айлгаж, хүүхдээ тэрэгтэй нь түрээд явахад тохиромжтой бартаа саадгүй, цэвэр цэмцгэр зам, талбай хангалтгүй гээд олон бэрхшээлийг энд дурьдаж болно. Тиймээс энэ жагсаалын гол зорилго нь төрөөс эрүүл, аюулгүй орчинд амьдрах эрхээ шаардаж, үүнийгээ тайван жагсаалаар хүргэхэд орших юм.  Тус арга хэмжээ 11 цагт эхлэх бөгөөд Чингисийн талбайд цуглан, баруун 4 зам хүртэл автомашины замаар алхана.