Бид амьдралынхаа хугацаанд дунджаар 300 саяаас илүү алхдаг аж. Энэ нь 120 мянган км-тэй тэнцэж байна. Хэрэв бид хөлөө арчилж анхаарал тавихгүй бол  эвэр ургах, хагарах, сульдаж өвчлөх, хуруу мурийх, хөлийн тавхай хавтгай болох, хураагуур судас үрэвсэх зэрэг олон хүндрэл учирна. 

Тэгэхээр та хөлөө хэрхэн арчилж хамгаалвал зүйтэй вэ? 

• Оройд хөл тань маш их цуцаж ядардаг бол алжаал тайлж сэргээх үүднээс мөстэй ус ашигла. Мөстэй усанд хөлөө нэг минут орчим байлгаад дараа нь зөөлөн сэвсгэр алчуураар хаттал нь арчаарай. 
• Хөлийнхөө эрүүл мэндийг хамгаалъя гэвэл аль болох ширэн гутал өмсөхийг хичээгээрэй. Бас бололцоо гарах бүрийд хөл нүцгэн яв. Хөлийн гимнастик өдөр бүр хийж байх. 
• Хөлийн мэдрэлийг сэргээх иллэг тогтмол хийж занш. Нунтаг вандуйг оймсныхоо уланд зулаад 5 минут алхваас хөлийн ядаргаа арилна. 
• Таны хөлд эвэр ургаж амархан ядардаг болох вий. Эмчээс зөвлөгөө аваарай. Гол нь өдөр бүр уйгагүй арчилгаа тордолгоо хийж байхыг зөвлөж байна. 
• Чөлөө зав гарх бүртээ өлмий дээрээ дороо гүй. Энэ нь цусны эргэлтийг сайжруулах хамгийн сайн арга юм. 
• Өдөр бүр 40 хэмийн халуун усанд, 20 хэмийн хүйтэн устай түмпэнд ээлжлэн хийж бай. Дараа нь ноосон дулаан оймс өмсөөрэй. 
• Унтахын өмнө орон дээрээ хөлөө дээш өргөж дугуйруулах хөдөлгөөн хий. Тэр үедээ мэдэгдэхгүй боловч энэ нь таны хөлний эрүүл мэндэд маш хэрэгтэй дасгал юм.