Та кальци ясанд сайн гэж сонсож байсан байх. Харин энэ нь зүгээр нэг дам яриа төдий зүйл юм. Кальци нь дангаараа ясыг бэхжүүлэх биш харин ч муутгадаг байна. Хамгийн их кальци хэрэглэдэг орон (АНУ, Канад) хамгийн их ясны сийрэгжилттэй гэсэн судалгаа бий. Гэхдээ кальци нь биед огт хэрэггүй гэсэн үг биш. Буруу төрлийн кальци, буруу аргаар хэрэглэснээс болж сөргөөр нөлөөлдөг байна. Өдөрт хэчнээн хэмжээний кальцитай бүтээгдэхүүн хэрэглэж байгаа нь тийм ч чухал биш. Хүний бие нь кальцийг дангаар нь биш магнитай цуг байхад л шингээж чаддаг. Тэгэхээр магни хэрэглэж кальцийг биедээ шингээж авах хэрэгтэй.

Яс бэхжүүлэхийн тулд хүний бие 18 төрлийн шим тэжээл хэрэг болдог. Эдгээрээс хамгийн чухал нь магни юм. Магни нь кальцийг ясны эстэй бодисын солилцоонд ороход нь маш чухал үүрэг гүйцэтгэж байдаг. Кальциар баялаг гэж сурталчлах бүтээгдэхүүнүүд үнэндээ ямар ч үр дүнгүй төдийгүй харин ч хортой байх магадлалтай байдаг байна. Хэрэглэхэд хамгийн боломжтой бүтээгдэхүүн бол өндөгний хальс юм. Өндөгний хальс нь хүний яс, шүдтэй төстэй бүтэцтэй байдаг. Нэг өндөгний хальсанд дунджаар 0,8  кальци агуулагддаг. Мөн бусад микро элементүүд болох магни, сульфур, цайр, цахиур, хүхэр, бор, зэс, төмөр зэрэг байдаг.

Танд хэрхэн зөв аргаар биедээ кальци авахыг зөвлөе.

Алхам 1

Цэвэрхэн чанаагүй өндгийг шинэхэн нимбэгний шүүстэй саванд хий

Алхам 2

Шилээ маш сайн таглаад хөргөгчинд хий /хөлдөөгч биш/. Өдөрт хэд хэдэн удаа хөөсөртөл нь зөөлөн сэгсэрч байх хэрэгтэй. Өндөгний гадуур хөөс тогтож кальци нь нимбэгний шүүсэнд уусна.

Алхам 3

48 цагийн дараа өндгийг гаргаж ав. Өндөгний хальс нимгэрсэн байх тул хаглалгүйгээр болгоомжтой авах хэрэгтэй. 

Алхам 4

Сайн хутгах хэрэгтэй. Өдөрт нэг цайны халбагаар хэрэглээрэй.

Сануулга: D аминдэм кальци шингээхэд чухал үүрэгтэй тул наранд биеэ ээх юм уу, малын элэг идэж байгаарай.

эх сурвалж: lahealthyliving.com