“Арабын Нэгдсэн Эмират Улсад хийсэн айлчлалаас аяны богц дүүрэн ирлээ. Оюутолгойн төслийн далд уурхайн бүтээн байгуулалт, санхүүжүүлтийн төлөвлөгөөнд Дубай хотноо гарын үсэг зурлаа. Улаанбаатар хот, Өмнөговь аймаг, Сингапур, Лондон хотод хэлэлцээрүүд үргэлжилж Дубайд дууссан. Дэлхийн санхүү, эдийн засгийн том төв Дубайд Оюутолгойн төсөл үргэлжлэх шийдвэр гарсан нь олон улсад хурдтай цацагдлаа” хэмээн Монгол Улсын Ерөнхий сайд Ч.Сайханбилэг онгоцноос буунгуутаа мэдэгдсэн. Сүүлийн хэдэн сарын турш хэвлэл мэдээллийн хэрэгслээр бүтээн байгуулалт, уул уурхай, хөрөнгө оруулалт, эдийн засгийн асуудлаар үе үе жинтэй мэдэгдэл хийж гаршаад буй Ерөнхий сайдыг маань харин гадныхан ийнхүү шоглон зуржээ.  Түүний хоёр шог зураг “Financial Times”, “Australian financial review” сайтад тавигджээ.