Би бол "ардчиллыг" муухай харагдуулахын тулд сөрөг хүчний хөрөнгөтэй залуусын "зохиож" бий болгосон зохиомол дүр хэмээн хоёрхон хоногийн өмнө хэвлэлээр мэдэгдэж байсан ЗГХЭГ-ын дэд дарга Г.Дэнзэнг өчигдөр 13:00 цагийн орчим АТГ-ын алба хаагчид баривчилжээ. АТГ-ынхан түүнийг гэрээс нь баривчлахын зэрэгцээ гэрт нь бүрэн нэгжлэг хийсэн байна. Хамгийн сүүлийн мэдээгээр түүнийг хорих 461 дүгээр ангид саатуулж байгаа ажээ. Прокуророос түүнийг 14 хоног саатуулах зөвшөөрлийг олгосон байна.