Өчигдөр Сонгинохайрхан дүүргийн 32 дугаар хорооны нутагт авто зам дээр 36-17 УБО улсын дугаартай суудлын автомашин, 98-29 УНО улсын дугаартай ачааны автомашинтай мөргөлдсөн ноцтой осол гарчээ. Осол гарсан дуудлагыг 15:56 цагт хүлээн авсан Нийслэлийн Онцгой байдлын газрын 8 албан хаагч, 2 автомашинтай ажиллаж хүнд гэмтсэн иргэн Б /64 настай, эрэгтэй/, Н /42 настай, эмэгтэй/ нарыг ГССҮТ-д хүлээлгэж өгчээ. Харамсалтай нь төмөр хийцэд хавчуулагдан иргэн Д /32 настай, эрэгтэй/, Г /3 настай, эмэгтэй/ нар нас барсан байсныг гаргаж цогцосыг дүүргийн Цагдаагийн хэлтсийн жижүүрийн бүрэлдэхүүнд хүлээлгэн өгсөн байна. Замын хөдөлгөөнд бие биенээ хүндлэн соёлтой оролцох, хурдаа тохируулах, аюулгүйн бүсээ тогтмол зүүж хэвшихийг нийт жолооч нартаа анхааруулж байна.