“Богино банзал бага төлбөр” хэмээх энэ үг нь Хятадын Жинань хотын нэгэн Hot Pot рестораны уриа юм. Тус ресторан эмэгтэй үйлчлүүлэгчдэдээ өвдөгнөөс дээгүүр банзал өмсөж ирвэл хоолны төлбөрөөс 20 хувь хөнгөлнө хэмээжээ. Гэхдээ хэмжиж үзэх гэнэ. Үйлчлүүлэгч эмэгтэй 20 хувийн хөнгөлөлт эдлэхийг хүсвэл банзал нь өвдөгнөөс дээш 3 инч буюу 7.6 см байх ёстой аж. Банзал богиносох тусам эдлэх хөнгөлөлтийн хувь өндөрсөнө. Банзал өвдөгнөөс дээш 12 инч буюу 30.4 см байвал хоолныхоо төлбөрийг 90 хувь хөнгөлүүлэх юм байна.