Хөвсгөл аймгийн Ренчинлхүмбэ сумын Далайн зах багийн нутаг /сумаас зүүн хойд зүгт 60 км-ийн орчим/ “Усан хужирын эх” гэх газар өчигдөр ойн түймэр гарчээ. Түймэр гарсан талаарх дуудлагыг тухайн өдрийн 17:50 цагт хүлээн авч тус сумын Засаг даргын Тамгын газрын даргаар ахлуулсан сум, орон нутгийн 22 иргэн, 2 техник хэрэгсэл, аймгийн Онцгой байдлын газрын 12 албан хаагч, 1 техник хэрэгсэлтэйгээр унтраахаар явсан байна. Өнөө өглөө 06:00 цагт авсан мэдээгээр сум, орон нутгаас хөдөлсөн иргэд сумаас 30 гаруй км-ын цаана очоод үргэлжлүүлэн цааш явганаар явсан, одоогоор холбоо бариагүй байгаа тухай мэдээлжээ. Аймгийн Онцгой байдлын бүлэг 05:00 цагт Ренчинлхүмбэ сумын төвд ирсэн байна. Тэд түймрийн голомт руу явцгаажээ.