San Francisco хотын California Их Сургуулийн эрдэмтэд 40-74 насны 831,450 гаруй эмэгтэйчүүдэд судалгаа хийж хавдрын анхан шатны шинж тэмдэг гэж үздэг маммограммийн шинжилгээгээр тогтоогдсон хөхөн доторх зангилаархаг зүйл нь хавдрын шинж тэмдэг байх албагүй гэсэн дүгнэлт гаргажээ. Эдгээр эмэгтэйчүүдийн бараг тал нь буюу 365,426  хөхөндөө зангилаархаг зүйлтэй байсан байна. Энэ бол маш том тоо. Гэхдээ хөхөндөө зангилаархаг зүйлтэй эмэгтэйчүүдийн ердөө 24 хувь нь хавдартай байх магадлалтайг тогтоожээ. Эдгээр 24 хувь болох эмэгтэйчүүд нь тамхи татдаг, нэмэлт эм уудаг, хэвийн бус амьдралын хэв маяг, удамшил, нас зэргээс хамаараад хавдартай болдог талаар дурдсан байна. 

эх сурвалж: theguardian.com