Испанийн Толедо хотод уурсаж, догширсон буханд мөргүүлж, сүлбүүлж 11 хүн гэмтсэн хэрэг гарчээ. Тус хотын төвд хашаанд сургаж байсан нэгэн бух сургагч багшийнхаа гараас мултран гудамжинд зугтааж гарсан байна. Догширч, хилэгнэсэн бух төв талбайг чиглэн давхиж цугларсан хүмүүс рүү дайрчээ. Бухын дайралтад өртөн 11 хүн гэмтсэн бөгөөд тэдний 10-ыг нь эмнэлэг рүү авч явсан байна. Шархдагсдын дунд сургуулийн 10 настай сурагч байжээ.

Хэргийн газар ирсэн цагдаа нар догширсон бухыг буудаж хороон аюулгүй болгоод машинд ачин авч явжээ.