Техас мужийн Waco хотод байрлах "Twin Peaks" баарны ойролцоо мотоцикльтой хүмүүсийн дунд буудалцаан болжээ. Энэ буудалцааны үеэр 8 хүн нас барж, үхлүүт шархадсан нэг хүн эмнэлэгт хүргэгдсэн бөгөөд 18 хүн шархдаж, гэмтсэн байна.

Эх сурвалжийн мэдээлснээр будалцаан "Twin Peaks" баарны ойролцоох машины зогсоол дээр болжээ. Мотоциклийн 5 бүлэглэлийн 150-200 гишүүд хоорондоо буудалцсан байна.

Гэрч болох Michelle Logan хэмээх иргэн "Тэд 30 гаруй зэвсгээр, 100 шахам удаа буудалцсан" гэжээ. 

Тухайн үед Twin Peaks кафед хоол идэж байсан нэгэн иргэн "Будалцааны үеэр зөөгч бид нарын аюулгүй байдлыг хамгаалах үүднээс кафены хөлдөөгчийн өрөөнд түгжсэн" гэж ярьжээ. 

Цагдаагийн ажилтан Patrick Swanton "Би 34 жил энэ ажлыг хийхдээ ийм аюултай гэмт хэрэг харж байсангүй" хэмээн BBC-д ярилцлага өгсөн байна.