Өчигдөр өдөр Нийслэлийн Налайх дүүргийн 6 дугаар хороо, “UB-2” амралтын газрын урд талын “Тэрэлж” голд эрэгтэй хүн осолдсон харамсалтай явдал болжээ. Хэргийн тухай дуудлагыг тус өдрийн 13:35 цагт Онцгой байдлын алба хүлээн авч тус дүүргийн Онцгой байдлын хэлтсийн 4 албан хаагч, нийслэлийн Аврах ангийн 6 албан хаагч, 2 автомашинтайгаар эрэн хайх, аврах ажиллагааг зохион байгуулжээ. Иргэн Ц /20 настай эрэгтэй/-ийн цогцосыг аврагч нар гарган дүүргийн Цагдаагийн хэлтсийн жижүүрийн бүрэлдэхүүнд шилжүүлэн өгчээ. Зун болж амралт зугаалгын цаг эхэлсэн энэ үед гол усны аюулаас сэрэмжлэхийг Онцгой байдлын газраас анхааруулж байна.