Өсвөр насны хүүхдүүд дөнгөж 16 нас хүрэнгүүтээ жолооны үнэмлэх авч, машин зээлж унахыг боддог. Харин 16 настай Thessalonika Arzu-Embry охин магистрын зэргээ амжилттай хамгаалж, сургуулиа төгсчээ.

2013 онд Thessalonika Arzu-Embry 14 настай байхдаа сэтгэл судлалын чиглэлээр бакалаврын зэрэг хамгаалжээ. Харин өнөөдөр тэрээр "Regent University" их сургуулийг магистрийн зэрэг хамгаалан төгсч байгаа юм. 

Тэрээр бизнесийн удирдлагын чиглэлээр суралцахдаа байгууллагын алсын харааг гол чиг баримжаагаа болгон судалжээ. 2014 оны есөн сард мастерийн хичээлээ эхлүүлж, амжилттай төгссөн тэрээр "Ингэж суралцсан маань ирээдүйд бизнес эрхлэхэд туслах болно" гэж ярьж байна.