Гурван долоо хоногийн өмнө Балбад болсон газар хөдлөлтийн үеэр Dolma Tamang хэмээх эмэгтэй орон байраа алджээ. Тэрээр хаана хандахаа мэдэхгүй байсан энэ үед улаан загалмайн нийгэмлэгийн эрүүл мэндийн ажилчид түүнийг гудманд хэвтэж байхад нь олсон байна. Dolma Tamang-ийг олсон даруйдаа эмнэлгийн ажилчид Melamchi дэх эмнэлэгт яаралтай хүргэжээ. Учир  нь тэрээр давхар биетэй байсан бөгөөд түүний бие сульдаж, их ядарсан байв. 

Dolma Tamang: "Би хүүхэддээ маш их санаа зовж байсан. Учир нь би өөрийнхөөө биед анхаарал халамж тавьж чадахгүй байсан юм. Миний биеийн бүх хэсэг шархадсан байсан бөгөөд амьсгалахад ч хүнд байсан" гэж BBC-д ярилцлага өгчээ. 

Харин өнөөдөр тэрээр Улаан загалмайн нийгэмлэгийн ажилчид болоод Японы хөдөлгөөнт эмч нарын тусламжтайгаар эсэн мэнд амаржжээ. 

Харин уржигдархан хоёр дахь удаагаа Эверест уулын ойролцоо Namche Bazar гэдэг газар 7,4 баллын хүчтэй газар хөдөлсөн билээ. Энэ хоёр дахь удаагийн газар хөдлөлтийн улмаас өнөөдөр мэдэгдэж буйгаар 48 хүн амь насаа алдсан байна.