АНУ-ын Филадельфи хотод галт тэрэг осолдож таван хүн амиа алдаж, 50 орчим хүн шархадсан тухай BBC агентлаг уламжиллаа. Галт тэргэнд ойролцоогоор 240 зорчигч явж байжээ. Галт тэргийн найман вагон замаасаа гарч хөмөрсөн байна. Ослын газар аврах албаны 200 гаруй ажилтнууд ажиллаж байгаа бөгөөд Филадельфи хотын дарга Майкл Наттер хэргийн газар дээр очоод байгаа ажээ. Юунаас болж осол гарсныг тодруулж байна.