Швейцарийн нисгэгч, зохион бүтээгч Ив Росси болон түүний хамтрагч Винс Реффет нар нэг хүний далавчит тийрэлтэт онгоц болох “Jet Man” төхөөрөмжөөр Дубай хотын дээгүүр нисч олныг гайхшрууллаа. Тэд эхлээд нислэгээ хотын захад байх элсэн цөлд хийсэн юм. Дараа нь Дубай хотын дээгүүр нисч хэд хэдэн хэцүү эргэлт хийн, дэлхийн хамгийн өндөр барилгыг тойрчээ.

Түүний малгайд холбосон камераар бичлэг хийхийн сацуу тэднийг даган нисдэг тэрэг хөөрч зураг авчээ. Ив Росси нь нисэх хүчинд цэргийн алба хаасны дараа иргэний агаарын тээвэрт нисгэгчээр ажиллаж байсан юм. Тэрээр 2004 оноос хойш өөрийн зохион бүтээсэн “Jet Man” төхөөрөмжөө үйлдвэрлэж эхэлжээ.

Түүний Дубай дээгүүр ниссэн гайхалтай бичлэгийг үзнэ үү.