Ada Guan хэмээх 23 настай бүсгүй, найз залуу Wesley Branch-ийн хамт Канадын Calgary хотоос Япон руу "Air Canada"-гийн нисэх онгоцонд зорчиж явжээ. Нислэгийн үеэр эмэгтэй гэнэт дуншиж өвдсөн тул хөлгийн багийн хүсэлтээр зорчигч дунд байсан эмч нарт үзүүлэхэд эмэгтэй төрөхөд бэлэн болсон байна гэжээ.

Ийнхүү 23 настай Ada Guan Номхон далай дээгүүр нисч явахдаа охинтой болжээ. Ada Guan болон түүний найз залуу үерхэж эхлээд жил гаран болж байгаа бөгөөд Британийн Victoria аралд хамт амьдардаг байна.

Branch, Global News-д ярилцлага өгөхдөө "Найз охин маань жирэмсний тестээр шалгасан боловч сөрөг гарсан. Гэхдээ хэдхэн сарын дараа маш хурдтай жин нэмж эхэлсэн. Энэ үнэхээр гайхалтай санаанд оромгүй үйл явдал боллоо. Бид бяцхан хөөрхөн охинтой боллоо" хэмээн ярьжээ. Тэднийг Японы Наритад газардахад эх, охин хоёрыг эмнэлэгт хүргэсэн бөгөөд биеийн байдал сайн байна.  

                                                                                              Эх сурвалж: huffingtonpost.ca