Өчигдөр 16:50 цагийн орчим Дархан-Уул аймгийн Шарын гол сумын Санжинт багийн “Шарын гол” ХК-ийн Үйлдвэрийн талбайд барилгын 3 давхраас 2 хүн унаж нэг нь газар дээрээ нас барж, нөгөө нь хүнд гэмтсэн осол гарсан байна. Ослын дуудлагын дагуу тус аймгийн Онцгой байдлын газрын 6 албан хаагч, 1 автомашинтай очиход “Шарын гол” ХК-ийн Хуучин нүүрс ангилан ачих дамжлагын барилгын 4 давхраас барилгын ажил гүйцэтгэж байсан гэрээт ажилтан Ж /Дархан-Уул аймгийн Шарын гол сумын харьяат 23 настай эрэгтэй/, Б /Сэлэнгэ аймаг Цагааннуур сумын харьяат 20 настай эрэгтэй/ нар унаж иргэн Ж бетонд дарагдан газар дээрээ нас барсан байсныг гаргаж Цагдаагийн жижүүрийн бүрэлдэхүүнд өгч, иргэн Б хүнд гэмтсэн байсныг Шарын гол сумын эмнэлэгт хүргэж өгчээ.