Монгол улсын Шинжлэх ухааны Академи, Монголын номын сангуудын консорциум хамтран эрдэм шинжилгээний сэтгүүл эрхлэн гаргагчдад зориулан “Монголын эрдэм шинжилгээний сэтгүүлүүдийн чанарыг сайжруулах, цахим хэлбэрээр түгээх” сэдэвт сургалтыг өнөөдөр "Нээлттэй нийгэм форумд"зохион байгуулж байна. 

Семинарт эрдэм шинжилгээний байгууллагууд, их дээд сургууль болон номын сангуудын төлөөлөл оролцож байна. Оролцогчид сургагч багшаар бэлтгэгдэн цаашид эрдэм шинжилгээний сэтгүүлийг сайжруулах, судалгааны мэдлэг, мэдээллийг гадаад болон дотоодод хэрхэн түгээх зэрэг ухаалаг шийдлүүдийн талаарх мэдээлэл солилцох  юм. Семинар гурван хоног үргэлжилнэ.