Филиппиний зүүн хойд хэсэгт орших Cagayan мужид маш хүчтэй хар салхи болж байгааг хэдхэн цагийн өмнө BBC мэдээллээ. Цагт 220 км хурдтай ширүүсч буй хар салхи Япон болон Тайвань руу чиглэж байна хэмээн цаг уурын хүрээлэнгээс мэдээлжээ. Одоогийн байдлаар хэдий хэр эд материалаар хохирч, хэчнээн хүн үрэгдсэн талаарх мэдээлэл ирээгүй байна. 

2013 онд Филиппинид "Haiyan" нэртэй хар салхины үеэр 7000 гаруй хүн нас барж байсан түүхтэй. 

Харин энэ удаагий хар салхины талаар Филиппиний цаг уурын хүрээлэнгийн цаг уурч Rene Paciente-ийн хэлснээр "Энэ жил тохиолдоогүй хамгийн аюултай хуй салхи одоо өрнөж байна. Үнэхээр аюултай" гэжээ. 

Cagayan болон Isabela мужаас одоогийн байдлаар 2500 гаруй хүн аюулгүй газар луу нүүжээ. 

Мужийн нутгийн иргэдийг хамгаалах төвийн дарга Norma Talosig: "Гамшигийн төв болох Cagayan мужаас1680 гаруй хүнийг нүүлгэн шилжүүлсэн. Харин нутгийн зарим нэг хүмүүс эд материал орон гэрээ хамгаална гэх зорилгоор үлдсэн байх вий гэхээс айж байна" гэж AFP агентлагт мэдээлэл өгчээ. 

Цаг уурын урьдчилсан мэдээгээр хар салхи мягмар гарагт Японы өмнөд зүгт хүрнэ гэжээ.