Энэтхэгийн далай дахь Мадагаскарын эрэг дагуу далайн ёроолоос их хэмжээний мөнгөн гулдмай олджээ. Археологичид эрдэнэсийг Английн далайн дээрэмчин Уильям Киддийнх хэмээн үзэж байна.

50 кг жинтэй уг мөнгөн гулдмайнууд дээрэмчдийн хөлөг онгоц сүйрсэн Мадагаскартай ойр байх Иль Сент-Мари арлын ойролцоогоос олдсон юм.

Дээрэмчин Уильям Кидд нь XVII-XVIII зууны үед амьдарч байжээ. Тэрээр Энэтхэгийн далайд дээрэм тонуул хийдэг байсан бөгөөд 1701 онд цаазлуулсан юм.