Өмнөд Суданд 2013 онд болсон иргэний дайны улмаас олон гэр бүл, ахан дүүс, эхнэр нөхрүүд бие биенээсээ салж хагацаад байсан. Тэгвэл тэд улаан загайлмайн нийгэмлэгийн тусламжтайгаар нэг нэгнээ олсон байна. 

2013 оны сүүл хүртэл Dak Chak-ийн дүү Улаан загалмайн нийгэмлэгт ажилладаг байжээ. Харамсалтай нь хэдхэн долоо хоногийн дараа Өмнөд Суданд дайн эхлэх үед тэрээр өөрийн гэр бүлийн хамт Malakal тосгон руу зугтсан байна. Яг ингэж зугтаж байх үеэр тэрээр дүүгээсээ салсан юм. Энэ үйл явдлын дараа Dak Chak ээжтэйгээ ойролцоох тосгон болгох Jonglei руу нүүжээ. Гэсэн ч ээж нь хүүгээ одоог хүртэл амьд байгаа гэдэгт эргэлзэж байсан юм. 

“Би бүх л итгэл найдвараа алдсан байлаа. Харин нэгдүгээр сард Улаан загалмайн нийгэмлэгийн багийнхан “Оолд Фангак” тосгонд ажиллаж байна гэдгийг сонсоод би өөрийгөө танилцуулахаар явсан юм. Ийнхүү тэдэнтэй уулзлаа. Тэд надад зургийн альбом өгөхөд би зурган дундаас өөрийнхөө дүүгийн зургийг хараад итгэж ч чадахгүй байсан” хэмээн Dak Chak  BBC-гийн сэтгүүлчид ярьсан байна.

Түүний дүү Өмнөд Судантай ойролцоо хил залгаа Ethiopia-руу зугтсан бөгөөд дүрвэгсдийн хуаранд амьдарч байсан байна. Харин улаан загалмайн нийгэмлэгээс ах дүү хоёрыг холбож утсаар анх удаа яриулжээ. Улаан загалмайн нийгэмлэгийн мэдээлснээр 90.000 гаруй хүмүүсийг ийнхүү хооронд нь холбож өгсөн ажээ.