ДЭМБ-ын мэдээлж буйгаар Балбын газар хөдлөлтөд 7500 гаруй хүн нас барж, 140 мянган хүн шархадсан болох нь тогтоогджээ.  Хүн төрөлхтөнийг айдас түгшүүрт  автуулсан Балбын газар хөдлөлтийн дараа нэг сая гаруй хүүхдэд яаралтай тусламж хэрэгтэй байсаар. Дэлхийн бөмбөрцөгийн  нэгээхэн хэсэгт амьдарч байгаа Балбачууд өнөөдөр эд материал, сэтгэл санааны гүн дарамтанд орлоо. Харин энэ үед Ohio мужийн Wickliffe хотоос ирсэн мэргэжлийн алиалагч Ron Fowler хүүхдүүдэд зориулан шаартай үзүүлбэр үзүүлж инээд хөөр бэлэглэжээ.

 Ron Fowler болон түүний гэр бүлийнхэн 7.8 баллын газар хөдлөлтийн үеэр Балбад байсан бөгөөд одоо бүгд эрүүл саруул байгаа юм.  Fowler 46 настай, тэрээр хэлэхдээ: “Энэ газар хөдлөлтийн үеэр олон гэр бүл үхэл хагацалтай нүүр тулж байна. Харин манай гэр бүлд үнэхээр аз таарсан. Яг ийм аз олон гэр бүлд таараагүй. Тиймээс би гэр бүлийнхээ гишүүдийг бас орон байраа алдсан хүүхдүүдэд жаахан ч гэсэн урам зориг, баяр хөөр бэлэглэхээр шийдсэн” гэж ярьсныг huffingtonpost.com сайт бичжээ. Харин энэ үзүүлбэрийг үзсэн бяцхан үзэгчид хэсэг зуур ч гэсэн баяр хөөртэй байжээ.