Зүүн хойд Хятад улсын нутгаас 130 сая жилийн тэртээ байсан шувууны чулуужсан яс олдсон талаар Lenta.ru мэдээлжээ.

Эртний шувууны чулуужсан энэхүү яснаас эрт цагт амьдарч байсан орчин үеийн шувуудын өвөг гарлын талаар олж мэдэх боломжтой болж байгаа юм. Шувууны уг чулуужсан яс нь “Archaeornithura meemannae” бүлэгт хамаарна. Шувуу нь 10 см-ын хэмжээтэй, хөгжингүй сүүл хэлбэрийн далавчтай хэдий ч нисэх боломжтой байсан гэж судлаачид үзсэн байна.

Энэ нээлтийн ачаар хуурай газрын амьтан  шувуу болон хувьссан талаарх орчин цагийн онолд өөрчлөлт орно хэмээн судлаачид итгэж байна.  Өмнө нь орчин үеийн шувуудын эртний өвөг дээдэс нь бүрэн нисэх боломжгүй байсан хэмээн үздэг байжээ.

Эрдэмтэд шувууны өвөг дээдсийг 5-6 сая жилийн өмнө бий болсон хэмээн үздэг байсан бөгөөд энэхүү үнэт олдворын ачаар хамаагүй эрт үед шувууд амьдарч байсныг тогтоох боломжтой болжээ.