Өчигдөр Германд үүссэн хүчтэй хуй салхины улмаас нэг хүн нас барж, байшин барилгын дээвэр нуран, машинууд салхинд шидэгджээ. Энэ удаагийн хуй салхийг мэргэжилтнүүд Торнода ангилалд багтаж болохуйц хүчтэй хуй салхи байсан хэмээн үзжээ. 

Торнода нь ердийн дуу цахилгаантай бороо, мөндрөөр эхэлдэг. Хэдэн минутын дотор агаарын хэм эрс доошлон үүлнээс агаарын хуй дээд, доод хэсэгтээ юүлүүр маягийн  тэлэлттэйгээр газарт бууж ирэхийг хэлж байгаа юм. 

Rostock хотын ойролцоо байрлах Buetzow хотод хуй салхины үеэр машин 70 метр хол шидэгджээ. Мөн Hamburg хотод хуй салхины эрчинд машин нь хөмөрч, үүнээс үүдэн жолооч залуу амиа алдаж, түүний хажууд зорчиж явсан бие давхар найз бүсгүй бэртсэн байна.

Мөн Германы хэвлэл мэдээллийн хэрэгслээр мэдээлэхдээ салхины хурд 119 км/цаг байсан гэжээ. Buetzow хотод хуй салхины улмаас бэртэж гэмтсэн иргэдийн тоо  8.000-д хүрсэн бөгөөд Hamburg хотод зангуундаа бэхэлгээтэй байсан таван онгоцны чингэлэг хоорондоо мөргөлдөн эвдэрсэн байна.  

Одоогоор Hamburg болон Luebeck хотыг холбодог төмөр замын шугаман дээр мод унасны улмаас үйл ажиллагаагаа явуулах боломжгүй болжээ.