Өчигдөр Тайландын Songkhla мужид байрлах ойн гүнээс хүний наймаанд зориулж тоноглосон тусгай зориулалтын байрыг цагдаа нар олж илрүүлжээ. Үүний дагуу цагдаа нар уулын бэлийг шалгаж үзэхэд 26 цогцос газар булж, нуусан байсныг олсон байна. Цагдаа нарын үзэж байгаагаар тэдгээр иргэд Бангладеш болон Мяньмараас ирсэн хууль бус цагаачид байж магадгүй гэжээ. 

"Маш олон иргэд хууль бусаар Бангладеш болон Мяньмараас азаа туршин аюул дагуулсан энэ замыг сонгодог. Харин хууль бусаар хил даван ирж байхдаа нутгийн шашин шүтлэг, эсвэл үндэстэн ясны хавчлага дарамтанд өртдөг. Харин зарим нь хүний наймаачдын гарт өртөж байна" гэж цагдаа нар нэмж хэллээ. Хүний наймаачид дээрх улсаас ирсэн цагаачдыг эд эрхтнийг нь авч зарах зорилгоор замаас нь барьж амийг нь бүрэлгэдэг байна. 

Хамгийн анх цогцос хадгалах тусгай зориулалтын байрыг Songkhla мужийн Sadao дүүргээс илрүүлж байсан бөгөөд тус дүүрэг нь Малайзын хилтэй ойрхон оршдог ажээ.