Эбола вирус хамгийн ихээр тархаад байсан улс бол Либери юм. Тус улсад Эбола вирусээр өвчлөөд байсан хүмүүсийг эмчлэхээр явсан эмч, сувилагч нар хүртэл вирусээр халдварлаж зарим нь амиа алдаж байсан билээ. Харин өнгөрсөн гуравдугаар сарын 27-оос хойш Либери улсад дахин нэг ч тохиолдол бүртгэгдээгүй байна. Гэхдээ ийм үр дүн гарлаа гээд тайвширч болохгүй гэдгийг мэргэжилтнүүд онцолж байна. Үхлийн аюултай Эбола вируст өртсөн хүмүүс эдгэрсний дараа хүний биед ямар нөлөө гарч байгааг нарийн судлаагүй ч зарим хүний хараа, сонсгол муудсаныг ДЭМБ-аас мэдэгджээ.