Эрдэмтдийн саяхан хийсэн судалгаагаар дэлхий дээрх өвсөн тэжээлтэй том амьтдын (хирс, заан, тэмээ, усны үхэр, буффало г.м) 60 хувь нь устах аюулд хүрч, түүнээс болж дэлхийн экосистемд өөрчлөлт орох талаар "Science" сэтгүүл нийтэлжээ.

Бид бүгд эдгээр амьтад ховордож байгааг мэднэ. Гэхдээ бидний бодож байгаагаас хамаагүй хурдан устаж байна.

Өвсөн тэжээлтэй том амьтдын ихэнх нь Африк, Зүүн Өмнөд Ази, Латин Америк, Энэтхэгт байдаг. Хамгийн гол нь эдгээр улсууд хөгжиж буй улсууд юм. Хойд Америк болон Европ хөгжиж байх явцад өвсөн тэжээлтэй том амьтад бүгд устаж үгүй болсон билээ.

Том амьтдын устаж буй шалтгаанууд / хувиар

Өвсөн тэжээлтэй том амьтад мөхвөл тэднээр хооллодог махчин амьтад болон жижиг шувуу, гүрвэлүүд бүгд устаж үгүй болон цөлжилт явагдаж эхлэнэ.

"Дэлхий нийтээрээ яг одоо л тэмцэх хэрэгтэй. Орон нутгийнхан өөрсдийн хувийн ашиг сонирхлыг бодолгүйгээр дэлхийн төлөө амьтдыг хамгаалах нь чухал болоод байна" гэж судлаач William Ripple хэлжээ.

эх сурвалж: thenextdigit.com