Microsoft гар утасны зах зээлээрээ Google Android, Apple iOS-д ялагдаад байсан билээ. Гар утасны аппликэйшн хөгжүүлэгчид аль олон хэрэглэгчтэй үйлдлийн системийг сонгох нь аргагүй биз. Гэхдээ тэд бууж өгөхийг хүссэнгүй. Бүр булааж авахаар шийджээ. Энэ зун Microsoft компани Windows 10 үйлдлийн системээ танилцуулж бас нэг шуугиан тарихаар төлөвлөжээ. Windows 10 үйлдлийн системтэй гар утаснууд Android, iOS системийн аппликэйшнүүдийг суулгаад ашиглах боломжтой болох юм байна. Түүгээр зогсохгүй Microsoft Windows 10 үйлдлийн системтэй нэг тэрбум device борлуулна гэсэн тооцоог гаргаад байгаа юм.