Шотландын Стрилингийн нутгийн захиргаа нэгэн асуудалтай тулгарчээ. A811 гэдэг нэртэй Стрилингээс Лох Ломонд орох замд Арнприор тосгоны ойролцоо 50 км/цагийн хурдны хязгаарыг жолооч нар зөрчөөд байна гэсэн гомдлууд ирэх болжээ. 2013 оны 4 сард нутгийн захиргаа хурал хийж "Замын тэмдэглэгээнд нэмэлт тайвшруулах заалт" гаргажээ. Арнпиор тосгоныхон ямар үр дүн гарахыг нь төсөөлж байсангүй. Зам тусгаарласан цагаан шугамыг тэгш биш долгиолсон муруй зуржээ. Энэ нь ч алдаа байсангүй. "Бид замын цагаан зураасыг муруй зурснаар жолоочид хурдаа сааруулах болсон. Оршин суугчдаас муруй зураасны талаар ганц л гомдол гаргасан. Өөр ямар ч гомдол гараагүй" гэж нутгийн удирдлагын ажилтан Danny Gibson ярьжээ. Ганц гомдол нь уг зураасыг зурахад 50 хувь илүү будаг орж байна гэсэн байна.

Лийдс Их Сургуулийн судалгаагаар ийм муруй зураас нь жолоочдын хувьд тэгш бус зам байна гэсэн дохиог өгч хурдаа сааруулахаас өөр аргагүй болдог байна.

Өнгөрсөн жил баруун өмнөд Английн Висборн тосгонд мөн адил муруй шугам зурж туршсан боловч оршин суугчдын дүргүйцлээс болж буцааж шулуун зураас зуржээ. "Зарим настай жолооч нар муруй зураасыг дагаж явахыг оролдож байсан" гэж нэрээ хэлэхийг хүсээгүй нэгэн иргэн ярьжээ.