"Цагаан алт" гэгддэг зааны соёо нь хар тамхи, хүний наймаа, хуурамч бичиг баримтны дараа дөрөвт ордог маш том хууль бус бизнес юм. Дэлхийн хэмжээнд жилд 19 тэрбум ам.доллараар үнэлэгдэх зааны яс, соёо зарагддаг гэсэн тооцоо байдаг.

Зааны соёог Африкаас Ази руу хууль бусаар оруулж зарахдаа Арабын Нэгдсэн Эмират  Улсаар (АНЭУ) дамжуулан тээвэрлэдэг аж. АНЭУ хууль бус наймаа хийгчдэд сануулга өгч 10 тонн гаруй зааны ясан эдлэл, соёог хэвлэл мэдээлэл, хүмүүсийн нүдэн дээр устгажээ.

"Одоо үхсэн зааны яс биш амьд заан илүү үнэтэй болсон. Жилд 25 мянган зааныг соёоноос нь болж агнаж байна. Бид үүнийг зогсоох хэрэгтэй" гэж АНЭУ-ын Байгаль орчны сайд Dr Rashid Ahmad Bin Fahd хэлжээ.