Канадын "Хан Ресурс" компанийн захирал Жим Доакийн үхэл гаднын хэвлэл мэдээлийн хэрэгслүүдийн анхааралд байсаар байна. Энэ сарын 21-нд "Хан Ресурс" компани Монгол Улсын Засгийн газартай хийж байсан хэлэлцээрээс татгалзаж, төд удалгүй  тус компанийн захирал Монголд нас барсан билээ. Талийгчийн гэр бүлийнхэн, найз нөхдийнх нь үзэж байгаагаар талийгаач чихрийн шижин өвчтэй байсан бөгөөд үүний улмаас нас барсан бололтой. Шүүхийн шинжилгээний эхний задлан шинжилгээгээр талийгаачийн биед ямар ч ил шарх, сорви байхгүй гэсэн хариу гарсан. Харин эцсийн дүгнэлт ирэх сарын 8-нд багтаж гарах юм байна.