Өчигдрийн байдлаар баруун гурван аймагт ой хээрийн түймэр асч буй тухай мэдээлэл ОБЕГ ирсэн байна. Өнөө өглөөний 08:00 цагийн байдлаар тус гурван түймрийг унтраахаар нийт 98 хүн, 15 техник хэрэгслийг дайчлаад байна.

Хөвсгөл аймгийн Ренчинлхүмбэ сумын Хоолойн зах багийн “Их-Өл” гэдэг газар ой, хээрийн түймэр гарсан тухай дуудлагыг 4 дүгээр сарын 27-ны өдрийн 18:25 цагт хүлээн авч тус аймгийн Онцгой байдлын газрын 12 албан хаагч, 1 автомашинтай, Ренчинлхүмбэ сумын 8 иргэн, 1 автомашинтай  Цагааннуур сумын 10 иргэн, 8 мотоциклтой, нийт 30 хүн, 10 техник хэрэгсэлтэйгээр;   

Увс аймгийн Сагил сумын Баянзүрх  багийн нутаг “Мөстийн-Эхэн” гэдэг газар ой, хээрийн түймэр гарсан тухай дуудлагыг 4 дүгээр сарын 15-ны өдрийн 18:45 цагт хүлээн авч тус аймгийн Онцгой байдлын газрын 12 албан хаагч, 1 автомашинтай, орон нутгийн 30 иргэн, 2 автомашинтай, нийт 47 хүн, 3 техник хэрэгсэлтэйгээр;

Увс аймгийн Өндөрхангай сумын Цалуу багийн нутаг “Улаан-Эрэг” гэдэг газар ой, хээрийн түймэр гарсан тухай дуудлагыг 4 дгээр сарын 27-ны өдрийн 23:02 цагт хүлээн авч тус аймгийн Онцгой байдлын газрын 13 албан хаагч, 1 автомашинтай, орон нутгийн 8 иргэн, 1 автомашинтай, нийт 21 хүн, 2 техник хэрэгсэлтэйгээр тус тус ажиллаж байна.