Өчигдөр өдрийн 14:55 цагт Нийслэлийн Онцгой Байдлын газар иргэдээс Хан-Уул дүүргийн 11 дүгээр хорооны нутаг Туул голын гүүрний дэргэд Туул голын усанд эрэгтэй хүний цогцос байна гэсэн дуудлага иржээ. Дуудлагын дагуу Нийслэлийн Онцгой байдлын газрын зургаан албан хаагч, нэг автомашинтай ажиллаж /50-55 орчим настай, нэр хаяг тодорхойгүй/ эрэгтэй хүний цогцсыг гаргаж тус дүүргийн Цагдаагийн 2 дугаар хэлтсийн жижүүрийн бүрэлдэхүүнд хүлээлгэн өгсөн байна. Хохирогчийг хэн болохыг тогтоохоор цагдаагийн албан хаагчид ажиллаж байгаа аж.