Хятад оуютан хөгжлийн бэрхшээлтэй найзыгаа гурван жилийн турш үүрч хичээлдээ явж байна.

18 настай 1,73 см өндөр, 75 кг жинтэй Ши Шу өдөр бүр түүний найз болох 19 настай Жан Чиг дотуур байрнаас хичээлийн байр луу үүрч авчирдаг байна. Түүгээр зогсохгүй найзынхаа хувцас хунарыг нь угаах зэрэг өдөр тутмын амьдралд тусалдаг гэнэ.

Тэд Хятадын Жиансу мужийн их сургуульд элссэнээс хойш найзалж байгаа юм байна. Сургуулийн эрхлэгч "Тэдний нөхөрлөл бол үнэхээр сэтгэл хөдөлгөм, гайхалтай байдаг. Тэд хамаатан садан биш ч гэсэн гурван жилийн турш ингэж явж байна. Тэд бол хамгийн гайхалтай оюутан" хэмээн орон нутгийн мэдээллийн хэрэгсэлд ярьжээ.

Найзынхаа тусламжтайгаар Жан Чи нэг ч удаа хичээлээ тасалж үзээгүй гэнэ.

Жан Чи булчингийн үйл ажиллагааны синдромоос болж булчин нь хэвийн ажиллахаа больж алхаж чадахгүй болжээ.

Хоёр найз хоёулаа сургуулийн онц сурлагатан, шилдэг оюутнууд юм байна.