Нийслэлийн Хан-Уул дүүргийн 6 дугаар хороо, Богд Хан-Уулын Нүхтийн аманд энэ сарын 25-ны өдөр түймэр гарчээ. Түймрийн дуудлагыг тус өдрийн 17:19 цагт Нийслэлийн Онцгой байдлын газар хүлээн авч 64 албан хаагч, 5 автомашин, Богд Хан-Уулын хамгаалалтын захиргаанаас 13 ажилтан, нийт 77 хүн, 5 техник хэрэгсэлтэйгээр ажилласнаар орой 20:20 цагт цурамд оруулсан байна. Урьдчилсан байдлаар галыг хүний буруутай үйл ажиллагаанаас үүдэн гарсан хэмээн тогтоожээ. Нийт 30 га газар шатсан хэмээн ОБЕГаас мэдээллээ. Ямартаа ч он гарснаас хойш Богд хан ууланд гурван ч удаа түймэр гарсан бөгөөд бүгд хүний буруутай үйл ажиллагаатай холбоотой юм.