"Хан Ресорс"-ийн гүйцэтгэх захирал Жим Доак Чарльз "Монголд бизнесийн ажлаар явж байх үедээ буюу өнгөрсөн пүрэв гарагийн өглөө Улаанбаатар хотын "Blue Sky" зочид буудлын өрөөндөө нас барсан байна" гэсэн мэдээг Business News Network сайт болон гадаадын хэвлэл мэдээллийн хэрэгслээр цацаж, дэлхий нийтээр шуугиж байна. Харин цогцост хийсэн дүн шинжилгээний анхан шатны хариугаар гадны ямар нэгэн нөлөөгүй нас барсан нь тогтоогдсон бөгөөд нарийн шинжилгээний хариу 14 хоногийн дараа гарах ажээ.

Тэрээр Монгол Улсад энэ сарын 19-ны өглөө хүрэлцэн ирсэн байна. "Хан Ресурс" компани 2009 оноос эхлэн Дорнод аймагт ураны олборлолт явуулахаар үйл ажиллагаа эхэлсэн ч 2011 онд засгийн газраас гэрээг нь цуцалсан билээ. Үүнээс үүдэж тус компани олон улсын Арбитрийн шүүхэд хандаж Монголын засгийн газраас 326 сая ам.доллар нэхэмжилсэн бөгөөд шүүхийн шийдвэрээр Монголын Засгийн газар тус компанид 80 сая ам.доллар төлөх ёстой болсон юм. 

Эх сурвалж: Business News Network