Өнгөрөгч Бямба гарагт Балбад /Непаль/ болсон 7.9 баллын хүчтэй газар хөдлөлтөөс болж нас барсан хүний тоо 2,500 хүрээд байна. Маш олон хүн бэртэж гэмтэн, нурангид дарагджээ. Амьд үлдэгсэд сураггүй болсон гэр бүлийн хүмүүсээ хайсаар байна.

Газар хөдлөлт зөвхөн Балба төдийгүй Энэтхэг, Хятад, Бангладеш улсын нутгийг хамраад байгаа юм. Газар хөдлөлт төв Балбын нийслэл Катманду хотоос 80км-ийн зайд, 15 метрийн гүнд болжээ.

Google компанийн удирдлагын салбарт ажилладаг Dan Fredinburg газар хөдлөлтийн үеэр Эверест ууланд авирч яваад цасан нурангид дарагдан нас баржээ.

80 гаруй жилийн өмнө Балбад 8,1 баллын хүчтэй газар хөдлөлт болж байжээ. Эверэст уулын ойролцоо болсон уг газар хөдлөлтөд 10,000 хүн нас барж байсан.