Элсэн чихэр их хэмжээгээр хэрэглэх нь хүний биед ихээхэн сөрөг нөлөөтэй. Жишээ нь нэг халбага элсэн чихэр хэрэглэхэд л хүний дархлааны систем дөрвөн цаг хүртэлх хугацаанд 30 хүртэл хувь буурдаг байна. Учир нь сахар хүний салст мембран, эд эс, булчирхай, цусны судас, нарийн гэдэсний замыг цочроон үрэвсүүлдэг аюултай. Тэгвэл бид өдөрт хэдий хэр хэмжээний элсэн чихрийг зөвхөн ууж байгаа ундаа жүүснээс авдаг вэ?

Элсэн чихрийн агууламжинд хүний биед хэрэгцээтэй ямар ч тэжээллэг бодис байхгүй бөгөөд харин ч илчлэг ихээр агуулж байдаг. 100 гр элсэн чихрэнд 409.2 ккал илчлэг агуулагддаг бөгөөд илүүдэл жин үүсэх мөн зүрх судасны өвчин, чихрийн шижний шалтгаан болдог ажээ.