“Нарантуул” захын эзэн Ш.Сайхансамбуу 1959 онд Завхан  аймгийн Баян-Уул суманд төрж, гандангийн дэнжид өссөн нэгэн. УИХ-ын гишүүн явсан түүнийг суусан газраасаа шороо атгах адтай гэдэг бөгөөд өдгөө занар олборлох гээд завгүй явна. Тэрээр занараас нефть гаргах үйлдвэр байгуулж Монгол Улсаа шатахуунаар хангах зорилго өвөртөлжээ. Энэ хавар үйлдвэрийнхээ шавыг тавихаар зүтгэж яваа тэрээр дэлхийн шилдэг брэнд болсон шаггүй олон машинтай. Ш.Сайхансамбуу Зайсангийн наана байх өөрийн нэрний товчлол “SS Club”-ынхаа гараашд машинаа тавьдаг аж. Түүний машины цуглуулгын нэгээхэн хэсэг нь эдгээр машинууд юм.