Завхан аймгийн Баянтэс сумын нутаг, Монгол Улсын хилийн 255 дугаар тэмдэгтийн чиглэлд ОХУ-ын талдаа 1 км-ийн зайд, 8 км-ийн өргөнтэй ойн түймэр асч байна гэсэн дуудлагыг 4 дүгээр сарын 21-ний өдөр 17:40 цагт тус аймгийн Онцгой байдлын хэлтэс хүлээн авчээ. Ингээд 22 албан хаагч, 1 автомашинтай, Хилийн 0277 дугаар ангийн 42 албан хаагч, 4 автомашинтай,  Тэс сумын 8 иргэн, 1 автомашинтай, нийт 72 хүн, 6 техник хэрэгсэлтэйгээр, ОХУ-ын нутагт тус улсын 50 иргэн, 1 нисдэг тэрэгтэйгээр түймрийг унтраахаар ажиллаж байна.