АНУ-ын дроне онгоц (удирдлагатай сөнөөгч онгоц) Аль Кайда бүлэг рүү агаараас довтлох үеэр тэдний барьцаанд байсан гадаадын хоёр иргэнийг хөнөөжээ. Аль Кайда бүлэг АНУ иргэн Warren Weinstein, Итали улсын иргэн Giovanni Lo Porto-нарыг барьцаалаад байсан юм. Энэ хэрэг явдлаас үүдэж АНУ-ын дроне онгоц энгийн хүмүүсийг хөнөөхгүй байх баталгаа байна уу? гэсэн асуудал урган гарч иржээ.

Warren Weinstein хоёр жилийн өмнө барьцаалагдсаныхаа дараа ярилцлага өгч байгаа нь

Энэ болчимгүй явдлын дараа АНУ ерөнхийлөгч Баррак Обама уучлалт хүсч "Болсон явдалд үнэхээр харамсаж байна. Бид хариуцлагыг үүрэх болно. Амь үрэгдэгсдийн ар гэрийнхэнд гүн эмгэнэл илэрхийлье" гэсэн байна.

Тухайн үед дроне онгоц Аль Кайда бүлгийн толгойлогчдыг устгах үүрэгтэй дайрчээ. Дайрах үеэр барьцаалагчид тэнд байсныг хэн ч мэдээгүй гэж АНУ-ын Тагнуулын төв газраас мэдэгджээ.