Хорт хавдартай тэмцэж, амжилттай ялан "дийлсэн" Австралийн блогч /нийтлэлч/ Belle Gibson (нийтлэлч) хэзээ ч хавдартай байгаагүй гэнэ. Тэрээр хавдартай хэрхэн тэмцэж байгаагаа блогтоо бичиж олон сая уншигч, дагагчтай болж, Whole Pantry гэдэг нэртэй зөв хооллолтын тухай гар утасны аппликэйшн, бичсэн ном нь маш сайн борлуулалттай байжээ.

Долоо хоног тутмын "Австралийн эмэгтэйчүүд" сэтгүүлд өгсөн ярилцлагадаа Belle Gibson энэ бүхнийг "үнэн зүйл биш" гэж хэлжээ.

Түүний хандивт зориулж цугларсан 300 мянган ам.долларыг буцааж өгөх нь эргэлзээтэй болоод байгаа юм. Цагдаагийн газар түүнд хэрэг үүсгэх хуулийн үндэслэл байхгүй гэж мэдэгджээ.

"Жинхэнэ гэж юу юм бэ? гэдгийг би одоо хүртэл бодсоор л байна. Би уучлалт гуйхыг хүсэхгүй байна" гэж Belle Gibson хэлжээ.

Ингэснээр Whole Pantry апликэйшнийг Apple Store устгаж, номыг нь номын дэлгүүрүүд борлуулахаас татгалзаж эхэлсэн байна.