Сайнт Паул Миннесота хотод байрлах “Моудс Парк Академ” нэртэй дунд сургуульд 18 настай Mунира Халиф охин сурдаг. Тэрээр дунд сургуулиа энэ жил төгсөх бөгөөд өөрийнхөө сурлагын оноогоо дэлхийн томоохон их дээд сургуулиуд руу илгээжээ. Харин төд удалгүй дэлхийн томоохон их сургуулиуд болох Харвард, Бровн, Кулбиа, Корнелл, Дартмаут, Принсетон, Ейль, Пеннсулванийн их сургууль гээд бүгд түүнийг хүлээн авсан байжээ. Мөн үүнээс гадна Стандфордын их сургууль, Жоржтовн болоод Миннесотын их сургуулиас өмнө нь түүнд урилга өгчихсөн байжээ.

Харин энэ мэдээ түүний гэр бүлийнхэн болоод сургуулийнхныг ихээхэн баярлуулсан байна. Тэрээр өөрийн хичээлдээ маш сайн бөгөөд хичээлээс гадуурх ажилд идэвхтэй оролцдог байна.

Сургуулийн илтгэлийн аварга, мөн “Сургуулийн олон нийтийн ухамсар” нэртэй клубын үүсгэн байгуулагч, удирдагч гээд сургуулиас гадуурх оролцоо нь энэ бүхэнд ихээхэн нөлөөлсөн байна.Одоогийн байдлаар Халиф яг аль их сургуулийг сонгохоо шийдээгүй байгаа юм байна.