Монгол Улс 1958 оны байдлаар нийт агаарын 21 хөлөгтэй байсан бол энэ тоо өнөөдөр өөрчлөгдөөгүй байна. Гэхдээ Иргэний нисэхийн ерөнхий газарт агаарын 38 хөлөг бүртгэлтэй байгаа ч 21 нь нислэгт тэнцэх чадварын гэрчилгээтэй байна. Өөрөөр хэлбэл, манай улсын хэмжээнд нислэг үйлдэх боломжтой 21 онгоц байгаа юм. Харин эдгээр агаарын хөлгүүдийг жолоодогч 146 нисгэгч байдаг юм байна. Компанийн харъялалгүй болон нислэгт гарахгүй байгаа 23 нисгэгч байдаг гэсэн судалгааг ИНЕГ-аас гаргасан байна. Мөн ИНЕГ-ын зардлаар дэлхийн 12 улс оронд 19 мэргэжлээр нийт 119 оюутан суралцдаг ажээ.