Хятадын эдийн засгийн өсөлт энэ онд 6.9-7.1 хувьд хэлбэлзэх болохыг тус улсын эдийн засагчид таамаглаж байна. Хэдийгээр нэгдүгээр улиралд БНХАУ-ын эдийн засаг долоон хувиар өсч, бодлого тодорхойлогчдын зорилтод түвшинд хүрсэн ч үйлдвэрлэл, жижиглэн худалдааны салбар удаашралтай байгаа нь тус улсын мөнгөний бодлогоо зөөллөхөд хүргэсэн гэж албаны эх сурвалж мэдээлж байна. Тиймээс тус улс Төвбанк аралжааны банкуудынхаа заавал байх нөөцийн хэмжээг 18.5 хувь болгон бууруулаад байна. 

Хятадын эдийн засаг дотоодын хэрэглээнд суурилсан загварт шилжинэ гэж шинжээчид тамаглаж байгаа ч Төлөвлөгөөний комиссын тооцоогоор 2022 он хүртэлх эдийн засгийн дундаж өсөлт 6,5% орчимд байхаар байна гэж таамагласан байна. 

Харин Монголбанкнаас арилжааны банкны хувь нийлүүлсэн хөрөнгийн доод хэмжээг 50 тэрбум төгрөг байхаар шийд гаргаад байгаа билээ. Энэ жил Монгол Улсын эдийн засгийн өсөлтийг 5 хувь байх болно гэж таамаглаж байна.